Türkmenistanyň Prezidentiniň ýanyndaky Döwlet gullugy akademiýasynyň wekilleri adam gorlaryny dolandyrmak ulgamy boýunça sanly ulgam arkaly okuwlary geçýärler. Bu okuwlar şu ýylyň 26 – 30-njy maýy aralygynda Türkmenistanyň Prezidentiniň ýanyndaky Döwlet gullugy akademiýasy bilen Russiýanyň Prezidentiniň ýanyndaky halk hojalygy we döwlet gullugy akademiýasynyň arasynda hyzmatdaşlyk barada ylalaşygyň durmuşa geçirilmeginiň çäklerinde geçirilýär.

Ylalaşyk bilelikdäki okuw meýilnamalaryny işläp taýýarlamak, uzak aralykdan okatmak, şeýle hem mugallymlar we talyplar üçin okuw sapaklaryny guramak ýaly döwlet işgärleriniň hyzmatdaşlygyny we hünär derejesini ýokarlandyrmaga gönükdirilen çäreleri öz içine alýar.

Sanly ulgam arkaly okuwlary Russiýanyň akademiýasynyň mugallymlary geçýärler we olar «Adam gorlaryny dolandyrmagy strategik meýilleşdirmek», «Dolandyryşda zerur başarnyklar», «Mümkinçilikleri dolandyrmak», «Maglumatlaryň seljermesiniň we dolandyryşyň esasy usullary», «Sanly okuw amallary», «Adam gorlaryny dolandyryş ulgamy» ýaly temalara üns berýärler. 

Şeýle hem oňa gatnaşyjylar strategik adam gorlaryny dolandyrmagyň ähmiýeti, hemme ýerde dolandyryjylarda bolmaly esasy endikler barada maglumatlary alyp bilerler. Işgärleri dolandyrmakda sanly tehnologiýalara, şeýle hem işgärleri dolandyrmakda sanly tehnologiýalary ulanmaga aýratyn okuw bagyşlanar. Şeýle okuwlary geçirmegiň adam gorlaryny dolandyrmak pudagynda özara peýdaly hyzmatdaşlygy ösdürmekde we döwlet gullugynda sanly torlary ösdürmekde möhüm ähmiýeti bar.