Aşgabatdaky «Şamelek» toý mekanynda Çagalary goramagyň halkara gününe bagyşlanan çäre geçirildi. Ony Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň goldawy bilen «Ýaş tebigatçy» jemgyýetçilik guramasy ýola goýdy.

Çäräniň çäginde ýurduň mekdep okuwçylarynyň arasynda geçirilen «Geljege ýaşyl ädim: Çagalaryň hereketi» atly döredijilik bäsleşiginiň netijeleri jemlendi.

Ugurlar boýunça ýeňijiler:

Surat çekmek boýunça 1-nji orny Abdykerim Begençmyradow, 2-nji orny Mälikdurdy Ýakubow, 3-nji orny Gülabat Annaberdiýewa eýeledi.

Ekologiýa taslama boýunça 1-nji orny Kyýas Täçmuhammedow, Süleýman Esenow, 2-nji orny Ýana Dobrowanowa, Sewinç Ismaýilowa, 3-nji orny Maral Öwezberdiýewa eýeledi.

Galyndylary gaýtadan işlemek boýunça 1-nji orny Annagözel Kulyýewa, Ogulşirin Amanmyradowa, 2-nji orny Medine Berdiklyçewa, 3-nji orny Aýnur, Gülnur we Döwlet Durdyýewler eýelediler.

Şunuň ýaly bäsleşikleriň ýaş nesilde tebigata bolan söýgini ösdürýändigi we ýaş zehinleri ýüze çykarmaga kömek edýändigi bellendi. Bäsleşige gatnaşanlar üçin çagalaryň çykyşlary we daşky gurşawy goramak boýunça ussatlyk sapaklary hem guraldy. Çagalar galyndylary saýlap ýygnamagyň we gaýtadan işlemegiň usullaryny, şeýle hem olaryň daşky gurşawy goramakdaky peýdalaryny öwrendiler. Çärä gatnaşanlar çagalara bagtyýar durmuş we ýurduň tebigatyny goramak mümkinçiligini döredenligi üçin Gahryman Arkadagymyza hem-de hormatly Prezidentimize hoşallyk bildirdiler.